ഹെെദരാബാദ് പോലീസ് നേതൃത്വം നൽകുന്ന പ്ലാസ്മ ദാന ബോധവൽക്കരണ പരിപാടിയിൽ ഭാര്യയോടൊപ്പം പങ്കെടുത്തതിന് പിന്നാലെ കോവിഡ് രോഗികൾക്ക് പ്ലാസ്മദാനം ചെയ്യാനൊരുങ്ങി സംവിധായകൻ രാജമൗലിയും കുടുംബവും. സമൂഹ മാധ്യമത്തിലെ കുറിപ്പിലൂടെയാണ് അദ്ദേഹം ഇത് അറിയിച്ചത്.
"രണ്ടാഴ്ചത്തെ ക്വാറന്റീൻ പൂർത്തിയാക്കി. ലക്ഷണങ്ങളൊന്നുമില്ല. എങ്കിലും ടെസ്റ്റ് ചെയ്തു നോക്കി. ഞങ്ങൾക്കെല്ലാവർക്കും നെഗറ്റീവാണ് ഫലം. പ്ലാസ്മാ ദാനത്തിന് ആവശ്യമായ ആൻറിബോഡി ശരീരത്തിൽ വികസിച്ചുവോ എന്നറിയാനായി മൂന്നാഴ്ച കാത്തിരിക്കാനാണ് ഡോക്ടർ അറിയിച്ചത്"- കോവിഡ് വിമുക്തനായ ശേഷം രാജമൗലി കുറിച്ചു.
ജൂലായ് 29ന് അദ്ദേഹത്തിനും കുടുംബാംഗങ്ങൾക്കും കോവിഡ് പോസിറ്റീവ് ആകുകയും ഏഴ് ദിവസത്തിന് ശേഷം ഫലം നെഗറ്റീവാകുകയും ചെയ്തു. അതിന് ശേഷം പ്ലാസ്മ ദാനം ചെയ്യാനുള്ള കാത്തിരിപ്പിലായിരുന്നു സംവിധായകനും കുടുംബവും.
0 അഭിപ്രായങ്ങള്‍