നടൻ ഇന്ദ്രൻസ് നായകനാകുന്ന ചിത്രം ഓണത്തിന് ശേഷം ചിത്രീകരണം തുടങ്ങും

നടൻ ഇന്ദ്രൻസ് നായകനാകുന്ന ചിത്രം ഓണത്തിന് ശേഷം ചിത്രീകരണം തുടങ്ങും.

നടൻ ഇന്ദ്രൻസ് നായകനാകുന്ന ആദ്യ കമേഴ്സ്യൽ ചിത്രം വരുന്നു. വിജയ് ബാബുവിന്റെ നേതൃത്വത്തിലുള്ള ഫ്രൈഡേ ഫിലിം ഹൗസ് ആണ് നിർമ്മാണം. റോജിൻ തോമസ് ആണ് തിരക്കഥയും സംവിധാനവും ഒരുക്കുന്ന ചിത്രം ഓണത്തിന് ശേഷം ചിത്രീകരണം ആരംഭിക്കുമെന്ന് വിജയ് ബാബു തന്റെ fb പോസ്റ്റ്‌ വഴി അറിയിച്ചു. 

രാഹുൽ സുബ്രഹ്മണ്യൻ ആണ് സംഗീതം. നീൽ ഡിക്കൂഞ്ഞ ആണ് ഛായാഗ്രഹണം.ചിത്രത്തെക്കുറിച്ച് കൂടുതൽ വിവരങ്ങൾ പിന്നീട് പുറത്തുവിടും.

ഇന്ദ്രൻസിന് 2017ലെ വി. സി. അഭിലാഷിന്റെ ആളൊരുക്കം എന്ന ചിത്രത്തിലൂടെയാണ് ആദ്യ സംസ്ഥാന പുരസ്കാരം ലഭിക്കുന്നത്. 2019ൽ ഡോ ബിജു സംവിധാനം ചെയ്ത വെയിൽമരങ്ങളിലെ അഭിനയത്തിലൂടെ നടൻ രാജ്യാന്തര ചലച്ചിത്രമേളകളിൽ ശ്രദ്ധിക്കപ്പെട്ടു.