ചിങ്ങമാസ പുലരിയിൽ പുതിയ ചിത്രം പ്രഖ്യാപിച്ചു നടൻ ജയസൂര്യ. ജോൺ ലൂഥർ എന്ന് പേരിട്ടിരിക്കുന്ന ചിത്രം അഭിജിത്ത് ജോസഫ് സംവിധാനം ചെയ്യും. തോമസ് മാത്യു, ക്രിസ്റ്റീന തോമസ് എന്നിവർ ചേർന്ന് നിർമിക്കുന്ന ജോൺ ലൂഥർ ക്രൈം ത്രില്ലർ ഗണത്തിൽപെടുന്ന ചിത്രമായിരിക്കും. നിലവിൽ പ്രീ പ്രൊഡക്‌ഷൻ ജോലികൾ പുരോഗമിക്കുന്ന ചിത്രം അടുത്തുതന്നെ ഷൂട്ടിങ് ആരംഭിക്കും.
മലയാള സിനിമയിൽ നിന്നും ആദ്യമായി ഡിജിറ്റൽ റിലീസ് ചെയ്ത 'സൂഫിയും സുജാതയുമാണ് ജയസൂര്യയുടേതായി ഒടുവിലെത്തിയ സിനിമ. ലോക്ഡൗണിന് മുൻപ് പ്രഖ്യാപിക്കപ്പെട്ട ചിത്രങ്ങളായ വെള്ളം, അപ്പോസ്തലൻ, ആട് 3, കത്തനാർ, രാമസേതു നടൻ സത്യന്റെ ജീവിതകഥ പറയുന്ന സിനിമ തുടങ്ങി നിരവധി പ്രോജക്ടുകളാണ് താരത്തിന്റേതായി അണിയറയില്‍ ഒരുങ്ങുന്നത്.
0 അഭിപ്രായങ്ങള്‍