മലയാളം, തമിഴ്, കന്നഡ,ഭാഷകളിലുള്ള ഏഴ് ഗാനങ്ങളുടെ കവർ ഗാനങ്ങളുമായി ശ്രദ്ധേയനാക്കുകയാണ് ആബിദ് കുർഗ്. യൂട്യൂബിൽ അപ്ലോഡ് ചെയ്തിരിക്കുന്ന വീഡിയോ ഇതിനകം ഹിറ്റ് ആയി മാറിയിട്ടുണ്ട്. ഈ ഗാനങ്ങളിലൂടെ മുഖവുര ആവശ്യമില്ലാത്ത ഗായകനായി മാറുകയാണ് ആബിദ്.
വിദ്യാ സാഗർ സംഗീതം നൽകി ഹരിഹരനും സാധന സർഗവും കൂടി ആലപിച്ച റൺ എന്ന സിനിമയിലെ പൊയ് സൊല്ല കൂടാതെ, സത്യം ശിവം സുന്ദരത്തിലെ ദൂരത്ത് കണ്ടാൽ, നാവാതാരയിലെ ഓ മജുനു നിനഗെ ശരനെ, ചൈത്രെടാ പ്രേമാജ്ഞലിയിലേ ഓ മലനാടിനാ, സ്നേഖലോകയിലെ ടൈറ്റാനിക് ഹീറോയിന്, ഷെഫീഖ് റഹ്മാൻ എഴുതി സംഗീതം നൽകി ഷാഫി കൊല്ലം ആലപിച്ച വിരഹത്തിൻ വേദന അറിയാം, പ്രിയമാന തോഴിയിലെ പെണ്ണെ നീയും പെണ്ണാ എന്നിവയാണ് അദ്ദേഹം ആലപിച്ച ഗാനങ്ങൾ.
മഹിന്ദ്ര ഹുനാസുരു സംവിധാനവും എഡിറ്റിംഗും നിർവഹിച്ചു അരുൺ ക്യാമറ ചലിപ്പിച്ച ഈ വിഡിയോയിൽ നീതു നിനദ് ആണ് ഫ്ലൂട്ട് വായിച്ചിരിക്കുന്നത്. റെക്കോർഡ് ചെയ്തത് നെസ്റ്റ് സ്റ്റുഡിയോ, മൈസൂർ ആണ്. യുട്യൂബ് വീഡിയോകളിൽ പുതിയ ചരിത്രമായി ഗാനം മാറുമെന്നതിൽ മറുവാക്കില്ലെന്നാണ് പലരും കമന്റുകളിൽ പറയുന്നത്.
0 അഭിപ്രായങ്ങള്‍