ഓസ്ട്രേലിയൻ താരം ഡൊമിനിക്ക് തീം യു എസ് ഓപ്പൺ ജേതാവ്

അഞ്ച് സെറ്റ് നീണ്ട മത്സരത്തിൽ ജർമനിയുടെ അലക്സാണ്ടർ സവറേവിനോട് ആദ്യ രണ്ട് സെറ്റ് പരാജയപ്പെട്ട ശേഷം തിരിച്ചുവരവ് നടത്തി,  യുഎസ് ഓപ്പൺ കിരീട പോരാട്ടത്തിൽ ടൈബ്രേക്കറിലൂടെ കന്നി ഗ്രാന്റ്സ്ലാം സ്വന്തമാക്കി ഓസ്ട്രിയൻ താരം ഡൊമിനിക് തീം. 2-6, 4-6, 6-4, 6-3, 7-6  എന്ന സ്ക്കോറിൽ വിജയിച്ച തീം  71 വർഷത്തിന് ശേഷം ഫൈനലിൽ ആദ്യ രണ്ടു സെറ്റുകൾ കൈവിട്ട ശേഷം തിരിച്ചുവന്ന് യുഎസ് ഓപ്പൺ കിരീടം നേടുന്ന ആദ്യ വ്യക്തിയായി മാറി. 

പുരുഷവിഭാഗത്തിൽ ആറു വർഷത്തിനുശേഷമാണ് പുതിയൊരു ഗ്രാന്റ്സ്ലാം ചാമ്പ്യനുണ്ടാവുന്നത്. 23-കാരനായ സവറേവിന്റെ കരിയറിലെ ആദ്യത്തെ പ്രധാന ഫൈനലായിരുന്നു. 27-കാരനായ തീം നേരത്തേ നാല് തവണ ഫൈനലിൽ എത്തിയിട്ടുണ്ട്. കഴിഞ്ഞ രണ്ട് ഫ്രഞ്ച് ഓപ്പൺ ഫൈനലുകളിലും തീം നഡാലിനോട് തോൽക്കുകയായിരുന്നു. ഈ വർഷമാദ്യം ഓസ്ട്രേലിയൻ ഓപ്പൺ ഫൈനലിൽ അഞ്ച് സെറ്റ് പോരാട്ടത്തിൽ ജോക്കോവിച്ചിനോടും തോറ്റു.

റെഡ് റിബ്ബൻ മീഡിയ വേൾഡിന്റെ വാർത്തകളും ലേഖനങ്ങളും നേരിട്ട് ലഭിക്കാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുക.