കോവിഡ് കാലഘട്ടത്തിൽ സ്തംബനത്തിലായ സിനിമാരംഗത്തിന് പുത്തൻ ഉണർവ്വ് നൽകി കൊണ്ട്, ഫസ്റ്റ് പ്രിൻ്റ് ഘട്ടത്തിൽ എത്തിയ കളേഴ്സ് എന്ന ചിത്രത്തിൻ്റെ ട്രെയ്ലർ റിലീസ്, തമിഴ്നാടിൻ്റെ മക്കൾ ശെൽവൻ വിജയ് സേതുപതി സെപ്റ്റംബർ 18-ന് ചെന്നൈയിൽ നിർവ്വഹിച്ചു.
ലൈംലൈറ്റ്സ് പിക്ച്ചേഴ്സിനു വേണ്ടി അജി ഇടിക്കുള, ജിയ ഉമ്മൻ എന്നിവർ നിർമ്മിക്കുന്ന കളേഴ്സ് മലയാളികൾക്ക് സുപരിചിതനായ നിസാർ ആണ് സംവിധാനം ചെയ്തിരിക്കുന്നത് .
വർത്തമാനകാല കുടുംബ ബന്ധങ്ങളുടെ കഥ പറയുന്ന ചിത്രമാണ് കളേഴ്സ്. യുവത്വവും അവരുടെ ആഘോഷവും സിനിമ ചർച്ചചെയ്യുന്നു. കുടംബത്തിൻ്റെ പശ്ചാത്തലത്തിൽ തീർത്തും പുതിയൊരു വിഷയം അവതരിപ്പിക്കുക കൂടി ചെയ്യുന്ന കളേഴ്സിൽ മനോഹരമായ ഗാനങ്ങളും , ചടുലമായ മാർഷൽ ആർട്സും, എയ്റോബിക് ഡാൻസിൻ്റെ വശ്യതയും, കഥാപാത്രങ്ങളെ അവതരിപ്പിക്കുന്ന മനോഹരമായ തീം മ്യൂസിക്കും, ഇമ്പമാർന്ന ഗാനങ്ങളും, കളേഴ്സിൻ്റെ എടുത്തു പറയേണ്ട സവിശേഷതകൾ ആണ്. ഇടവേളക്കുശേഷം SP വെങ്കിടേഷിൻ്റെ മന്ത്രികസംഗീതം തിരിച്ചുവരുന്നു എന്ന പ്രത്യേകതയും സിനിമക്കുണ്ട്. വൈരഭാരതിയുടെയാണ് വരികൾ.
തമിഴ് സൂപ്പർ താരം ശരത് കുമാറിൻ്റെ മകൾ വരലക്ഷ്മി ശരത് കുമാർ, ഇനിയ, ദിവ്യ പിള്ള, റാം കുമാർ, ബേബി ആരാധ്യ, എന്നീ താരങ്ങളാണ് പ്രധാന വേഷത്തിലെത്തുന്നത്.
രചന - പ്രസാദ് പാറപ്പുറം, ക്യാമറ - സജൻ കളത്തിൽ, ഗാനങ്ങൾ - വൈര ഭാരതി, സംഗീതം - എസ്.പി.വെങ്കിടേഷ് ,എഡിറ്റർ - വി.എസ്.വിശാൽ, ആർട്ട് -വൽസൻ, പി.ആർ.ഒ- അയ്മനം സാജൻ.
കളേഴ്സ് ബാല താരം ബേബി ആരാധ്യയുടെ വാക്കുകൾ.
0 അഭിപ്രായങ്ങള്‍