25-മത് കേരള രാജ്യാന്തര ചലച്ചിത്രമേള 2021 ഫെബ്രുവരി 12 മുതല്‍ 19 വരെ നടക്കും. ഇപ്പോഴത്തെ കൊവിഡ് പ്രത്യേക സാഹചര്യം കണക്കിലെടുത്താണ് ഡിസംബറില്‍ നടക്കേണ്ട ചലച്ചിത്ര മേള അടുത്ത വര്‍ഷത്തേക്ക് മാറ്റി വച്ചിരിക്കുന്നതെന്ന് ചലച്ചിത്ര അക്കാദമി അറിയിച്ചു .ചലച്ചിത്ര മേളയിലേക്കുള്ള എന്‍ട്രികള്‍ ഐ.എഫ്.എഫ്.കെ വെബ്‌സൈറ്റ് വഴി ഈ വര്‍ഷം ഒക്ടോബര്‍ 31 വരെ സമര്‍പ്പിക്കാവുന്നതാണ്.
2019 സെപ്തംബര്‍ ഒന്നിനും 2020 ആഗസ്റ്റ് 31നും ഇടയില്‍ പൂര്‍ത്തീകരിച്ച ചിത്രങ്ങള്‍ക്കായിരിക്കും മേളയില്‍ പങ്കെടുക്കാന്‍ അവസരം ഉണ്ടായിരിക്കുകയാണ്. എന്‍ട്രികള്‍ ഒക്ടോബര്‍ 31ന് ഉള്ളിലും പ്രിവ്യൂ മെറ്റീരിയല്‍ നവംബര്‍ 2ന് മുന്‍പുമായി അയക്കേണ്ടതാണ്. തെരഞ്ഞെടുക്കപ്പെട്ട സിനിമകളുടെ ചുരുക്ക പട്ടിക ഡിസംബര്‍ 10നായിരിക്കും പ്രസിദ്ധീകരിക്കുന്നത്. സ്‌ക്രീനിംഗിനായുള്ള മെറ്റീരിയല്‍ അടുത്ത വര്‍ഷം ജനുവരി 20ന് മുമ്പ് സമര്‍പ്പിക്കേണ്ടതുമാണ് എന്നാണ് അറിയിച്ചിരിക്കുന്നത്.
0 അഭിപ്രായങ്ങള്‍