ഈ മാസം അവസാനം ചിത്രീകരണം ആരംഭിക്കുന്ന ദൃശ്യം 2 വിന്റെ സെറ്റിലേക്ക് നടി മീനയെ സ്വാഗതം ചെയ്തു നടൻ മോഹൻ ലാൽ. മീനയുടെ ജന്മദിനത്തിൽ ആശംസകൾ നേർന്ന് മോഹൻ ലാൽ തന്റെ ഫേസ്ബുക്കിൽ പോസ്റ്റ് ചെയ്ത വീഡിയോ പോസ്റ്റ് ചെയ്ത് കൊണ്ടാണ് അദ്ദേഹം മീനയെ സെറ്റിലേക്ക് സ്വാഗതം ചെയ്തത്. പിറന്നാള്‍ ആശംസകള്‍ മീന, ദൃശ്യം 2 സെറ്റിലേക്ക് താങ്കളെ സ്വാഗതം ചെയ്യുന്നു", മീനയുടെ ചിത്രത്തിനൊപ്പം മോഹന്‍ലാല്‍ ഫേസ്ബുക്കില്‍ കുറിച്ചു.
ജീത്തു ജോസഫിന്‍റെ സംവിധാനത്തില്‍ 2013ല്‍ പുറത്തെത്തിയ ദൃശ്യത്തിന്റെ ഒന്നാം ഭാഗത്തിൽ മോഹന്‍ലാല്‍ അവതരിപ്പിച്ച ജോര്‍ജ്‍കുട്ടിയുടെ ഭാര്യ റാണി എന്ന കഥാപാത്രത്തെയാണ് മീന അവതരിപ്പിച്ചത്. ദൃശ്യം2 ന്റെ ചിത്രീകരണം പതിനാലിന് തുടങ്ങാനായിരുന്നു തീരുമാനിച്ചിരുന്നതെങ്കിലും സെറ്റ് വര്‍ക്കുകള്‍ പൂര്‍ത്തിയായിട്ടില്ലാത്തതിനാല്‍ ഷെഡ്യൂള്‍ നീളുകയായിരുന്നു. എല്ലാവര്‍ഷവും നടത്താറുള്ള ആയുര്‍വേദ ചികിത്സയ്ക്കായി പാലക്കാടുള്ള ആയുര്‍വേദ കേന്ദ്രത്തില്‍ പോയിരിക്കുകയാണ് ഇപ്പോള്‍ മോഹന്‍ലാല്‍. അത് കഴിഞ്ഞാവും അദ്ദേഹം ചിത്രത്തിൻറെ സെറ്റിലെത്തുക.
0 അഭിപ്രായങ്ങള്‍