ഒരു വടക്കൻ വീരഗാഥ ഇനി യൂട്യൂബിലും

ഒരു വടക്കൻ വീരഗാഥ' എന്ന സിനിമ ഇനി യൂട്യൂബ് ചാനലിൽ. ഹരിഹരൻ സംവിധാനം ചെയ്ത്, മമ്മൂട്ടി നായകനായി 

1989 ഏപ്രിൽ 14ൽ പുറത്തിറങ്ങിയ ചിത്രം 

സിനിമയുടെ നിർമ്മാതാവ് പി.വി. ഗംഗാധരന്റെ മക്കളും 'ഉയരെ' സിനിമയുടെ നിർമ്മാതാക്കളുമായ ഷെനുഗ, ഷെഗ്ന, ഷെർഗ എന്നിവരുടെ നിർമ്മാണ കമ്പനിയുടെ പേരിലുള്ള  യൂട്യൂബ് ചാനലായ എസ്ക്യൂബ് ഫിലിംസിൽ (Scube films). പ്രദർശനത്തിലുണ്ട്.

എം.ടി. വാസുദേവൻ നായരുടെ തിരക്കഥയിൽ പിറന്ന ചിത്രത്തിന് വടക്കൻ വീരകഥകളിലെ ചന്തുവിന് ചതിയൻ എന്നല്ലാതെ മറ്റൊരു മാനം നൽകാൻ സാധിച്ചു. ബാലൻ കെ. നായർ, സുരേഷ് ഗോപി, മാധവി, ഗീത, ക്യാപ്റ്റൻ രാജു എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിച്ച ചിത്രം 1989ലെ നാലു ദേശീയ പുരസ്കാരങ്ങൾ നേടിയിരുന്നു. മികച്ച നടൻ (മമ്മൂട്ടി), മികച്ച തിരക്കഥ (എം.ടി. വാസുദേവൻ നായർ), മികച്ച പ്രൊഡക്ഷൻ ഡിസൈൻ, മികച്ച വസ്ത്രാലങ്കാരം (പി.കൃഷ്ണമൂർത്തി) എന്നിങ്ങനെയായിരുന്നു അവാർഡുകൾ.

പി.വി. ഗംഗാധരന്റെ നിർമ്മാണ കമ്പനിയുടെ ഷാജി കൈലാസ്-രൺജി പണിക്കർ-സുരേഷ് ഗോപി കൂട്ടുകെട്ടിൽ പിറന്ന 1993ലെ 'ഏകലവ്യൻ', 2000 ത്തിൽ റിലീസ് ചെയ്ത സത്യൻ അന്തിക്കാട്-ജയറാം ചിത്രം 'കൊച്ചു കൊച്ചു സന്തോഷങ്ങൾ' എന്നീ ചിത്രങ്ങളും  എസ്ക്യൂബ് ഫിലിംസ് ചാനലിൽ ഇപ്പോൾ കാണാം.

റെഡ് റിബ്ബൻ മീഡിയ വേൾഡിന്റെ വാർത്തകളും ലേഖനങ്ങളും നേരിട്ട് ലഭിക്കാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുക.