മൂവി ലവേഴ്സ് അസോസിയേഷന്റെ ബാനറിൽ കർട്ടൻ റെയ്സർ അവതരിപ്പിക്കുന്ന ഹ്രസ്വചിത്രമാണ് ഓമനക്കൊപ്പം . വി. എസ്.
സുധീർഘോഷ് സംവിധാനം ചെയ്ത ഈ ചിത്രത്തിന്റെ കഥയും തിരക്കഥയും സംഭാഷണവും രചിച്ചത് സതീഷ് പി. കുറുപ്പ് ആണ്.
കേരളത്തിന്റെ വേദനയായി മാറിയ ദേവനന്ദയുടെ വിയോഗംപോലെ ഒരു കടങ്കഥയായി തോന്നുന്ന സംഭവങ്ങളിലൂടെ പ്രഹേളികയായി തീരുന്ന ഒരു തിരോധാനത്തിന്റെ നിലയ്ക്കാത്ത രോദനങ്ങൾ അവതരിപ്പിക്കുകയാണ് ഈ ചിത്രം. കർട്ടൻ റെയ്സറിൽ നിന്ന് പരിശീലനം നേടിയവരാണ് സതീഷ് പി. കുറുപ്പിനോടൊപ്പം ഇതിൽ അഭിനേതാക്കളായത്. ഫരിയ ഹുസൈൻ പ്രധാന കഥാപാത്രത്തെ അവതരിപ്പിക്കുന്നു. അക്ഷയ ദീപക്, സെബാസ്റ്റ്യൻ ജൂലിയൻ, ദീപക് ദിവാകർ, ഷമീർ നൗഷാദ് എന്നിവരാണ് മറ്റു താരങ്ങൾ.
നിർമാണം : പുഷ്പ പെരുമാനൂർ. ഛായാഗ്രഹണം, ചിത്രസംയോജനം :ആനന്ദ് എസ്. ലിൻ. സംഗീതം, ആലാപനം :എസ്. ആർ. സൂരജ്. സംവിധാന സഹായികൾ : തരുൺ തിലക്, അസ്ബിൻ എഫ്. മുഹമ്മദ്‌. കലാ സംവിധാനം : മഹേഷ്‌ എസ്. ജി. നായർ. വാർത്താ പ്രചാരണം : റഹിം പനവൂർ.
The Curtain Raiser എന്ന യൂട്യൂബ് ചാനലിൽ 18 മിനിറ്റ് ദൈർഘ്യമുള്ള ഈ ഹ്രസ്വ ചിത്രം കാണാം.
- റഹിം പനവൂർ
0 അഭിപ്രായങ്ങള്‍