തന്റെ പേരിൽ പ്രചരിക്കുന്ന വ്യാജ കോളുകൾ ശ്രദ്ധയിൽപ്പെടുത്തി അൽഫോൻസ്‌ പുത്രൻ

   താനാണെന്ന് അവകാശപ്പെട്ടുകൊണ്ടുള്ള ഫോൺകോൾ സിനിമാ മേഖലയിലെ നടിമാർക്കും മറ്റ് സ്ത്രീകൾക്കുമുൾപ്പടെ ലഭിച്ചത് ശ്രദ്ധയിൽപ്പെടുത്തി അൽഫോൻസ്‌ പുത്രൻ രംഗത്ത്. തന്റെ ഫേസ്ബുക്ക് പോസ്റ്റ്‌ വഴി സ്ഥിരമായി വരുന്ന രണ്ട് നമ്പറുകളും പ്രസിദ്ധപ്പെടുത്തിയാണ് അദ്ദേഹത്തിന്റെ പോസ്റ്റ്‌. ഈ കോളുകൾക്ക് എതിരെ പോലീസിൽ പരാതിപ്പെട്ടിട്ടുണ്ടെന്നും ഇപ്രകാരം വരുന്ന കോളുകൾക്ക് വ്യക്തിപരമായ ഒരു കാര്യങ്ങളും നല്കരുതെന്നും അദ്ദേഹം അറിയിച്ചിട്ടുണ്ട്.

പോസ്റ്റിന്റെ പൂർണരൂപം 

9746066514, 9766876651 ഈ ഫോൺനമ്പറിലുള്ള വ്യക്തിയിലേക്ക് നിങ്ങളുടെ ശ്രദ്ധ ക്ഷണിക്കുന്നു. എന്റെ പേരിൽ ഇയാൾ പല നടിമാരെയും മറ്റു സ്ത്രീകളെയും വിളിക്കുന്നതായി അറിഞ്ഞു. ഈ നമ്പറിലേക്ക് ഞാനും വിളിച്ചു നോക്കി, ഫോൺ എടുത്തയാൾ അൽഫോൺസ് പുത്രനാണെന്നാണ് അവകാശപ്പെട്ടത്. ഞാനിയാൾക്കെതിരേ പോലീസിൽ പരാതിപ്പെട്ടിട്ടുണ്ട്. ഈ നമ്പറുകളിൽ നിന്ന് ഇത്തരം കോളുകൾ ലഭിക്കുകയാണെങ്കിൽ ദയവായി ശ്രദ്ധിക്കുക. സ്വകാര്യ വിവരങ്ങളോ, ഫോട്ടോകളോ, വീഡിയോകളോ നൽകരുത്. ഇത് തട്ടിപ്പാണ്. കബളിപ്പിക്കപ്പെടാതിരിക്കൂ", അൽഫോൺസ് പുത്രൻ പറയുന്നു.

https://m.facebook.com/story.php?story_fbid=10159285283187625&id=764377624

റെഡ് റിബ്ബൻ മീഡിയ വേൾഡിന്റെ വാർത്തകളും ലേഖനങ്ങളും നേരിട്ട് ലഭിക്കാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുക.