പ്രശസ്ത സംഗീത സംവിധായകൻ രവീന്ദ്രൻ മാസ്റ്റർക്കുള്ള സമർപ്പണവുമായി ബഹറിൻ പ്രവാസി ഗായകൻ അജിത് കുമാർ .
തൻ്റെ ഏറ്റവും പ്രിയപ്പെട്ട സംഗീത സംവിധായകനായ രവീന്ദ്രൻ മാസ്റ്റർക്കുള്ള സമർപ്പണമാണ് അജിത് കുമാർ പുതു മുഖ സംഗീത സംവിധായകരിൽ ശ്രദ്ധേയനായ സിബു സുകുമാരനൊപ്പം മ്യൂസിക്-ദി മീനിങ് ഓഫ് ലൈഫ് (Music - The Meaning of Life ) എന്ന പേരിൽ അണിയിച്ചൊരുക്കിയ കവർ സോങ് . 80 ' കളിൽ റിലീസ് ആയ വസന്ത ഗീതങ്ങൾ എന്ന ആൽബത്തിലെ സംഗീതം ഭൂവിൽ നരജീവിതം എന്ന ഗാനമാണ് പുതിയ രീതിയിൽ ചിട്ടപ്പെടുത്തി ഇവർ അവതരിപ്പിച്ചത് .
ബഹറിനിലെ കൊച്ചു മണലാരണ്യങ്ങളും കടൽ തീരങ്ങളും ഈ ഗാനത്തിന്റെ ദൃശ്യാവിഷ്ക്കാരത്തിനു മാറ്റ് കൂട്ടി. ബഹറിനിലെ അറിയപ്പെടുന്ന ഛായാഗ്രാഹകൻ ഹാരിസ് എക്കച്ചു ഇതിന്റെ ദൃശ്യാവിഷ്കാരത്തിനു സംവിധാനം നിർവഹിച്ചു.
സംഗീതം ഏവരുടെയും ജീവിതത്തിലെ ഒരു പ്രധാന ഘടകമാണെന്ന ഒരു സന്ദേശം കൂടിയാണ് ഈ ഗാനമെന്നു ഗായകൻ അജിത് അഭിപ്രായപ്പെട്ടു.
0 അഭിപ്രായങ്ങള്‍