2020 ല്‍ ഇന്ത്യയില്‍ നിന്നും ഏറ്റവും കൂടുതല്‍ റീട്വീറ്റ് ചെയ്യപ്പെട്ട ട്വീറ്റ് എന്ന നേട്ടം സ്വന്തമാക്കുകയാണ് നടൻ വിജയ് ട്വിറ്ററിൽ പങ്ക് വെച്ച സെൽഫി. 1,58,000 റീട്വീറ്റുകളാണ് ഇതുവരെ ലഭിച്ചിരിക്കുന്നത്. നെയ്‌വേലിയില്‍ വെച്ചായിരുന്നു പ്രശസ്തമായ ആ സെല്‍ഫി. ലൊക്കേഷനിൽ തന്നെ കാണാൻ കൂടിയ നൂറു കണക്കിന് ആരാധകകരെ സാക്ഷിയാക്കി ലൊക്കേഷനില്‍ നിര്‍ത്തിയിട്ട ബസിനുമുകളില്‍ കയറിയാണ് താരം സെൽഫിയെടുത്തത്. 'താങ്ക്യു നെയ്‌വേലി' എന്നു മാത്രം ആയിരുന്നു ട്വീറ്റിനൊപ്പമുള്ള അടിക്കുറിപ്പ്.
ഇക്കഴിഞ്ഞ ഫെബ്രുവരിയില്‍ നടന്‍ വിജയ്‌യുടെ വീട്ടില്‍ ആദായ നികുതി വകുപ്പ് നടത്തിയ റെയ്ഡ് രാജ്യത്തെമ്പാടും വലിയ ശ്രദ്ധ പിടിച്ചുപറ്റിയിരുന്നു. എന്നാല്‍ റെയ്ഡിൽ വിജയ്‍ക്കെതിരെ ഒന്നും കണ്ടെത്താന്‍ കഴിഞ്ഞിരുന്നില്ല. പിന്നാലെ ലൊക്കേഷനിലേക്ക് തിരിച്ചെത്തിയ വിജയ് ആരാധകരോടൊപ്പം എടുത്ത സെല്‍ഫി അന്നേ ആഘോഷിക്കപ്പെട്ടിരുന്നു.
0 അഭിപ്രായങ്ങള്‍