കാർലോസ് എന്ന ഡെലിവറി ബോയുടെ ജീവിതത്തിൽ നടക്കുന്ന സംഭവങ്ങൾ ആവിഷ്‌കരിക്കുന്ന, ജോജു ജോർജിനെ നായകനാക്കി നവാഗതനായ സൻഫീർ.കെ ഒരുക്കുന്ന പീസിന്റെ ചിത്രീകരണം തൊടുപുഴയിൽ ആരംഭിച്ചു. സഫർ സനൽ, രമേഷ് ഗിരിജ എന്നിവർ ചേർന്നാണ് തിരക്കഥ ഒരുക്കുന്നത്. ജുബൈർ മുഹമ്മദാണ് സംഗീതം നിർവഹിച്ചിരിക്കുന്നത്. ആക്ഷേപഹാസ്യ-ത്രില്ലർ പശ്ചാത്തലത്തിൽ ഒരുങ്ങുന്ന 'പീസ്' നിർമിക്കുന്നത് സ്ക്രിപ്റ്റ് ഡോക്ടർ പിക്ചേഴ്സിന്റെ ബാനറിൽ ദയാപരനാണ്.
ജോജുവിനെ കൂടാതെ സിദ്ദീഖ്, ഷാലു റഹീം, വിജിലേഷ്, ആശാ ശരത്ത്, ലെന, അതിഥി രവി, അർജുൻ സിംങ്, അനിൽ നെടുമങ്ങാട്, മാമുക്കോയ, പോളി വിൽസൺ തുടങ്ങിയവരാണ് മറ്റ് അഭിനേതാക്കൾ. രണ്ട് ഷെഡ്യൂളുകളായി പൂർത്തിയാകുന്ന ചിത്രത്തിൻറെ ചിത്രീകരണം പൂർണമായും കോവിഡ് മാനദന്ധങ്ങൾ പാലിച്ചാണ് നടക്കുന്നത്.
0 അഭിപ്രായങ്ങള്‍