നടി രചന നാരായണൻകുട്ടിയുടെ രാജാരവിവർമയുടെ 'വീണ മീട്ടുന്ന സ്ത്രീ' എന്ന പെയിന്റിംഗിനെ പുനരാവിഷ്കരിച്ചുള്ള ഫോട്ടോഷൂട്ട് ശ്രദ്ധേയമാകുന്നു.
നിതിൻ നാരായണനാണ് ചിത്രങ്ങൾ പകർത്തിയിരിക്കുന്നത്.
താരം തന്നെയാണ് ചിത്രങ്ങൾ പങ്ക് വെച്ചിരിക്കുന്നത്. ഇതിന്റെ വിഡിയോയും താരം പങ്ക് വെച്ചിട്ടുണ്ട്.
ലക്കി സ്റ്റാർ എന്ന ജയറാം ചിത്രത്തിൽ നായികയായി എത്തിയ രചനയുടെ ആമേൻ, പുണ്യാളൻ അഗർബത്തീസ്, ലൈഫ് ഓഫ് ജോസൂട്ടി, പുതിയ നിയമം എന്നീ ചിത്രങ്ങളിലെ കഥാപാത്രങ്ങൾ ശ്രദ്ധ നേടി. ബ്ലാക്ക് കോഫി, അടൂരും തോപ്പിലും അല്ലാത്തൊരു ഭാസി, നിത്യസുമംഗലി എന്നിവയാണ് താരത്തിന്റെ പുതിയ ചിത്രങ്ങൾ.
സ്വകാര്യ ചാനലിൽ സംപ്രേക്ഷണം ചെയ്തിരുന്ന പരമ്പരയിലൂടെയാണ് തൃശ്ശൂർ സ്വദേശിയായ രചന ശ്രദ്ധ നേടുന്നത്. തൃശൂരിൽ തന്നെയുള്ള ഒരു സ്വകാര്യ സ്കൂളിൽ ഇംഗ്ലീഷ് അധ്യാപികയായി ജോലി നോക്കവേയാണ് രചന അഭിനയരംഗത്തേക്ക് എത്തുന്നത്.
0 അഭിപ്രായങ്ങള്‍