റിച്ച ഛദ്ദയെ നായികയാക്കി ഇന്ദ്രജിത് ലങ്കേഷ് സംവിധാനം ചെയ്യുന്ന നടി ഷക്കീലയുടെ ജീവിത കഥ പറയുന്ന ഷക്കീല -നോട്ട് എ പോൺ സ്റ്റാർ എന്ന സിനിമയുടെ ടീസർ റിലീസ് ചെയ്തു. ചിത്രം ക്രിസ്മസിന് പുറത്തിറങ്ങും. റിച്ചയ്ക്ക് പുറമെ പങ്കജ് ത്രിപാഠി, മലയാളി താരമായ രാജീവ് പിള്ള, കന്നഡ താരം എസ്തർ നൊറോണ എന്നിവരും ചിത്രത്തിൽ അഭിനയിക്കുന്നുണ്ട്. ഇന്ദ്രജിത് ലങ്കേഷിന്റെ ആദ്യ ഹിന്ദി ചിത്രമാണ് 'ഷക്കീല'.
'തമിഴ്, തെലുങ്ക്, മലയാളം, കന്നഡ ഭാഷകളിലായി 250 ചിത്രങ്ങളിലാണ് ഷക്കീല ഇതിനോടകം വേഷമിട്ടിട്ടുണ്ട്. അവരുടെ യഥാർഥ കഥയാണ് ഈ സിനിമയിലൂടെ പറയാൻ ആഗ്രഹിക്കുന്നത്. ഷൂട്ടിങ് ലൊക്കേഷനിൽ എത്തിയപ്പോഴും വേണ്ട നിർദേശങ്ങൾ നൽകാൻ അവർ തയ്യാറായി. തന്റെ വീട് എങ്ങനെയായിരുന്നു പോലുള്ള കാര്യങ്ങളെല്ലാം വളരെ സ്നേഹത്തോടെ അവർ ആർട്ട് ഡയറക്ഷൻ ടീമിന് നിർദേശങ്ങൾ നൽകിയിരുന്നെന്നും സംവിധായകൻ പറഞ്ഞു.
0 അഭിപ്രായങ്ങള്‍