പുതിയ വാഗ്ദാനങ്ങളുമായി സുരേഷ് കോടാലിപ്പറമ്പൻ വീണ്ടും രംഗത്ത്

   നടൻ റിയാസ് ഖാൻ നായകനായെത്തുന്ന മായക്കൊട്ടാരം എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ സോഷ്യൽ മീഡിയയിൽ വൈറലായിരുന്നു. ഇപ്പോൾ മറ്റൊരു പോസ്റ്ററുമായി രം​ഗത്ത് വന്നിരിക്കുകയാണ് അണിയറ പ്രവർത്തകർ. റിയാസ് ഖാൻ തന്നെയാണ് പോസ്റ്റർ സോഷ്യൽ മീഡിയയിൽ പങ്ക് വെച്ചത്. നന്മമരം സുരേഷ് കോടാലിപ്പറമ്പൻ' എന്ന കഥാപാത്രമായാണ് റിയാസ് ചിത്രത്തിൽ വേഷമിടുന്നത്.

"രോഗം വന്ന അവയവങ്ങൾ എടുത്തുമാറ്റി അവിടം കംപ്യൂട്ടർ വത്കരിക്കും, കോടാലി കുന്നു ഗ്രാമത്തിൽ ശസ്ത്രക്രിയകൾക്കായി മൾട്ടി സ്പെഷ്യാലിറ്റി ഹോസ്പിറ്റൽ, പടുകൂറ്റൻ എയർപോർട്ട്, കേരളത്തിലെ രണ്ടാമത്തെ സെക്രട്ടേറിയറ്റ് എന്നിവ യാഥാർഥ്യമാക്കും, എന്നെ പുകഴ്ത്തി തള്ളുന്ന കൂലിത്തൊഴിലാളികൾക്ക് പ്രത്യേക പെൻഷൻ പാക്കേജ് അനുവദിക്കും. ഹാർട്ട് വേണോ..കിഡ്നി വേണോ..കരളുവേണോ, ലൈവിൽ വരൂ..നൻമരം ഒപ്പ്'''- എന്ന് കുറിച്ച പോസ്റ്റ്‌ ഇതിനകം സോഷ്യൽമീഡിയ ഏറ്റെടുത്തിട്ടുണ്ട്.

കെ.എൻ. ബൈജു സംവിധാനം ചെയ്യുന്ന ചിത്രത്തിൻറെ ഫസ്റ്റ് ലുക്ക്‌ പോസ്റ്റർ വലിയ വിവാദമായിരുന്നു. ഓൺലൈൻ ചാരിറ്റി പ്രവർത്തകനായ സുരേഷ് കോടാലിപ്പറമ്പന്റെ ജീവിതം സിനിമയുടെ ഇതിവൃത്തം ആകുന്നതിലൂടെ കേരളത്തിലെ ഏതാനും ചാരിറ്റി പ്രവർത്തകരെ അപമാനിക്കുക എന്നതാണ് ഈ സിനിമയുടെ ഉദ്ദേശമെന്ന ആരോപണവുമായി ചാരിറ്റി പ്രവർത്തകരും അവരുടെ ആരാധകരും രം​ഗത്ത് വന്നു. എന്നാൽ ഈ സിനിമയിലൂടെ ആരേയും ആക്ഷേപിക്കാൻ ഉദ്ദേശിക്കുന്നില്ലെന്നും സുരേഷ് കോടാലിപ്പറമ്പൻ സാങ്കൽപ്പിക കഥാപാത്രമാണെന്നും സംവിധായകൻ തന്നെ  വ്യക്തമാക്കി.

https://m.facebook.com/story.php?story_fbid=222415929250556&id=100044464504911

റെഡ് റിബ്ബൻ മീഡിയ വേൾഡിന്റെ വാർത്തകളും ലേഖനങ്ങളും നേരിട്ട് ലഭിക്കാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുക.