"അണ്ണാത്തെ" ദീപാവലി റിയാലിസിന്

   ദർബാറിന് ശേഷം നയൻതാര വീണ്ടും രജനിയുടെ നായികയായെത്തുന്ന ചിത്രം 'അണ്ണാത്തെ' ദീപാവലി റിലീസായി തിയറ്ററുകളിൽ എത്തും. നവംബർ 4ന് ചിത്രം റിലീസ് ചെയ്യുമെന്ന് നിർമാതാക്കളായ സൺ പിക്ചേഴ്സ് തങ്ങളുടെ ഓദ്യോ​ഗിക സോഷ്യൽ മീഡിയ അക്കൗണ്ടിലൂടെ വ്യക്തമാക്കി. സിരുത്തെ ശിവ സംവിധാനം ചെയ്യുന്ന 'അണ്ണാത്തെ' യുടെ ചിത്രീകരണം ലോക്ഡൗണിന് ശേഷം 2020 ഡിസംബർ രണ്ടാംവാരമാണ് പുനരാരംഭിച്ചത്.

ശിവ തന്നെ രചനയും നിർവഹിക്കുന്ന ' അണ്ണാത്തെ'യിൽ കീർത്തി സുരേഷ്, മീന, ഖുശ്ബു , പ്രകാശ് രാജ്, സൂരി തുടങ്ങിയ താരങ്ങളും ചിത്രത്തിൽ പ്രധാനവേഷങ്ങളിലെത്തുന്നു. ഡി ഇമ്മൻ സംഗീത സംവിധാനം നിർവഹിക്കുന്ന ചിത്രത്തിന്റെ ഛായാഗ്രഹണം വെട്രി പളനിസ്വാമിയാണ്.

റെഡ് റിബ്ബൻ മീഡിയ വേൾഡിന്റെ വാർത്തകളും ലേഖനങ്ങളും നേരിട്ട് ലഭിക്കാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുക.