കോവിഡ് പ്രതിസന്ധിയ്ക്ക് ശേഷം തിയേറ്ററിൽ സിനിമ തിരിച്ചെത്തിയതോടെ റിലീസ് ആയ മാസ്റ്ററിന്റെ എച്ച് ഡി പതിപ്പ് ചോർന്നു. തമിഴ് റോക്കേഴ്സടക്കമുള്ള വെബ്സൈറ്റുകളിലാണ് ചിത്രം പ്രത്യക്ഷപ്പെട്ടത്. റിലീസായതിന് തൊട്ടുപിന്നാലെയാണ് പൈറസി വെബ്സൈറ്റുകൾ ചിത്രത്തെ കടന്നാക്രമിക്കാൻ തുടങ്ങിയത്.
ജനുവരി 13-ന് റിലീസ് ചെയ്യാനിരിക്കേ സിനിമയിലെ ഏതാനും ദൃശ്യങ്ങൾ സമൂഹ മാധ്യമങ്ങളിലൂടെ ചോർന്നിരുന്നു. സംഭവത്തിൽ ഒരാൾ അറസ്റ്റിലാവുകയും ചെയ്തു. സിനിമകൾ പ്രചരിപ്പിക്കുന്ന സൈറ്റുകളെ കണ്ടെത്തി നിർജീവിമാക്കുമ്പോൾ പുതിയ സെറ്റുകൾ പൂർവ്വാധികം ശക്തിയോടെ മുളച്ചുപൊന്തുകയാണ്. വിജയ്, വിജയ് സേതുപതി എന്നിവരെ പ്രധാനകഥാപാത്രങ്ങളാക്കി ലോകേഷ് കനകരാജ് സംവിധാനം ചെയ്ത ചിത്രമാണ് മാസ്റ്റർ.
0 അഭിപ്രായങ്ങള്‍