വി സിനിമാസ് ഇന്റർനാഷണലിന്റെ ബാനറിൽ നവാഗതനായഗതനായഗതനായ തരുൺ മൂർത്തി രചനയും സംവിധാനവും നിർവ്വഹിയ്ക്കുന്ന ഓപ്പറേഷൻ ജാവ എന്ന ചിത്രത്തിന്റെ പുതിയ വീഡിയോ പുറത്തിറങ്ങി,കേരള പോലീസിന്റെ കൺട്രോൾ റൂമിലെ സാന്നിദ്ധ്യമായ എസ്.ഐ ജേക്കബ് മാണിയും, സീനിയർ സി.പി.ഓ ശ്രീജിത്ത് ഇടവനയുമാണ് വീഡിയോയിൽ പ്രത്യക്ഷപ്പെടുന്നത്, ഇതാദ്യമായാണ് കേരള പോലീസിലെ ഉദ്യോഗസ്ഥർ ഒരു മലയാള സിനിമയുടെ പ്രവർത്തനങ്ങളിൽ നേരിട്ട് ഭാഗമാകുന്നത്. ഒരു പോലീസ് കൺട്രോൾ റൂമും അവിടുത്തെ വയർലെസ്സ് സന്ദേശങ്ങളും യാഥാർത്ഥ്യത്തോടെ അവതരിപ്പിയ്ക്കുക എന്ന ലക്ഷ്യത്തിലാണ് ഇത്തരത്തിൽ ഒരു രീതി അവലംബിച്ചിരിയ്ക്കുന്നത്.
തിരക്കഥാ രചനയുടെ സമയത്തും ഈ ഉദ്യോഗസ്ഥരിൽ നിന്നും മാർഗനിർദ്ദേശങ്ങൾ ലഭിച്ചിരുന്നു എന്ന് അണിയറ പ്രവർത്തകർ പറയുന്നു. പോലീസ് സ്റ്റേഷന്റെ പ്രവർത്തന രീതികളും, കേസന്വേഷണങ്ങളും കോർത്തിണക്കി ചില യഥാർത്ഥ സംഭവങ്ങളെ അടിസ്ഥാനമാക്കിയാണ് ചിത്രം അണിയിച്ചൊരുക്കിയിരിയ്ക്കുന്നത്.
"കേരള പോലീസ് എന്നാ സുമ്മാവാ" എന്നതൊരു വെറും പറച്ചിലല്ലെന്നാണ് ടീസറും പ്രൊമോ വീഡിയോകളും വഴി ജാവ ടീം പറഞ്ഞു വെയ്ക്കുന്നത്. പുറത്തു വരുന്ന ഓരോ അപ്ഡേറ്റുകളിലും പുലർത്തുന്ന വ്യത്യസ്തതയാണ് ഓപ്പറേഷൻ ജാവയെ തീയേറ്ററിൽ കാണാൻ പ്രേരിപ്പിയ്ക്കുന്നത്. നമുക്കു ചുറ്റുമുളള വാഴ്ത്തപ്പെടാത്ത ഹീറോസിന്റെ കഥയുമായി എത്തുന്ന ചിത്രത്തിന്റെ ടീസർ ഇതിനോടകം ശ്രദ്ധനേടിക്കഴിഞ്ഞു. ചിത്രത്തിലെ ഒരു വീഡിയോ കൂടി ഇപ്പോൾ വൈറലായിരിക്കുകയാണ്. പൊലീസ് കഥ പറയുന്ന ചിത്രത്തിലെ വയർലെസ് ശബ്ദം റെക്കോർഡ് ചെയ്യുന്ന വീഡിയോയാണ് അണിയറ പ്രവർത്തകർ പുറത്തുവിട്ടത്. യഥാർത്ഥ പൊലീസ് ഉദ്യോഗനായ ജേക്കബ് മാണിയുടെ സഹായത്തോടെയാണ് വയർലെസ് ശബ്ദം ഒരുക്കിയിരിക്കുന്നത്. പോലീസ് കണ്ട്രോൾ റൂം എസ്‌ഐയാണ് ജേക്കബ് മാണി. ഒറിജിനാലിറ്റി വിട്ടൊരു കളിക്കില്ലെന്നാണ് വീഡിയോ പുറത്ത് അണിയറ പ്രവർത്തകർ പറയുന്നത്.
ഫെബ്രുവരി 12ന് റിലീസ് ചെയ്യുന്ന ചിത്രത്തിൽ വിനായകൻ, ഇർഷാദ്, ബിനു പപ്പു, ലുക്ക്മാൻ, ബാലു വർഗീസ് തുടങ്ങിയവരാണ് അഭിനേതാക്കൾ...വാര്‍ത്ത പ്രചരണം- എ എസ് ദിനേശ്
0 അഭിപ്രായങ്ങള്‍