ബാലതാരമായി സിനിമയിലെത്തിയ ഈവ ഇനി നായിക

    ടി. വി. ചന്ദ്രൻ സംവിധാനം ചെയ്ത ശങ്കരനും മോഹനനും എന്ന ചിത്രത്തിലൂടെ ബാലതാരമായി എത്തിയ ഈവ  സൂരജ്  ക്രിസ്റ്റഫർ    ഇനി നായിക യാകാൻ  ഒരുങ്ങുന്നു.. ജയസൂര്യ നായകനായ ശങ്കരനും   മോഹനനിലും ഈവയുടെ കഥാപാത്രം ശ്രദ്ധിക്കപ്പെട്ടിരുന്നു. അഞ്ചാം ക്ലാസിൽ പഠിക്കുമ്പോഴായിരുന്നു  ബാലതാരമായി അവസാനം  അഭിനയിച്ചത്.   ഓർക്കൂട്ട് ഒരു   ഓർമ്മക്കൂട്ട്‌,  ഈ  അടുത്തകാലത്ത്, മാറ്റിനി, ഹൗസ്ഫുൾ, നിർണായകം,  ഹാപ്പി  ജേർണി, മെമ്മറീസ്, രാജാധിരാജ  എന്നിവയാണ്  ഈവ അഭിനയിച്ച   മറ്റു  മലയാള  ചിത്രങ്ങൾ.. രാജാധിരാജയിൽ  മമ്മൂട്ടിയുടെയും  റായ്ലക്ഷ്മിയുടെയും  മകളായാണ്  അഭിനയിച്ചത്.. ഈ സിനിമയിലെ മൂന്ന് ഗാനരംഗങ്ങളിലും ഈവ  ഉണ്ടായിരുന്നു.  മിടുമിടു മിടു ക്കൻ മുയലച്ചൻ എന്ന  ഈ  ചിത്രത്തിലേ  ഗാനം  സൂപ്പർ  ഹിറ്റായിരുന്നു.   ഒരു തെലുങ്ക് ചിത്രത്തിൽ  നായകൻ പവൻ  കല്യാണിന്റെ  സഹോദരിയുടെ  ബാല്യകാലം  ഇവ അവതരിപ്പിച്ചിരുന്നു. പത്ത്  ചിത്രങ്ങളിലാണ്  ഈവ ബാലതാരമായത്.

     സിനിമയിലെന്നപോലെ പരസ്യചിത്രങ്ങളിലും  ഈ മിടുക്കി  അഭിനയിച്ചിട്ടുണ്ട്. . മഞ്ജുവാര്യർ  ഉൾപ്പെടെയുള്ള  താരങ്ങൾക്കൊപ്പം  അഭിനയിച്ച് പരസ്യചിത്രങ്ങളിലും ശ്രദ്ധേയയായി. ഇരുപതോളം പരസ്യചിത്രങ്ങളിൽ അഭിനയിച്ചിട്ടുണ്ട് .      മോഡലിംഗിനോടും    ഈവയ്ക്ക്   ഏറെ  താല്പര്യമുണ്ട്. നിരവധി  ഫോട്ടോ  ഷൂട്ടുകളിൽ  മോഡലായിട്ടുള്ള  ഈവയുടെ ക്രിസ്തുമസ്  ഫോട്ടോ  ഷൂട്ട്‌  ചിത്രങ്ങൾ  വൈറലായിരുന്നു. ക്രിസ്മസ്  ട്രീയായിട്ടായിരുന്നു  ഈവ അതിൽ  അണിഞ്ഞൊരുങ്ങിയത്.    

         മലയാളത്തിലെന്നപോലെ  തമിഴിൽനിന്നും ഈവയെത്തേടി  അവസരങ്ങൾ   വരുന്നുണ്ട്. ആലുവ  ജ്യോതി  നിവാസ് പബ്ലിക് സ്കൂളിൽ പത്താം ക്ലാസ് വിദ്യാർഥിനിയാണ് ഈവ. നഴ്സറി ക്ലാസ്സ്‌ മുതൽ  ഈ സ്കൂളിലാണ്   പഠിക്കുന്നത്. നഴ്സറിയിൽ  പഠിപ്പിച്ച ജീന മിസ്  ആണ്‌  കലാരംഗത്തേയ്ക്കും സിനിമയിലേയ്ക്കും  കടക്കാൻ പ്രോത്സാഹനം നൽകിയതെന്ന്  ഈവ പറഞ്ഞു.  രക്ഷാകർത്താക്കളും  ബന്ധുക്കളും  സിനിമയിലുള്ളവരും സ്കൂളിലെ എല്ലാ അധ്യാപകരും   കൂട്ടുകാരും  നല്ല സപ്പോർട്ട് നൽകുന്നുണ്ടെന്നും  ഈവ. ട്യൂഷൻ  പഠിപ്പിക്കുന്ന സബീന  ടീച്ചറുടെ ഉപദേശങ്ങൾ  വിലപ്പെട്ടതാനെന്നും  ഈവ  പറഞ്ഞു.

 സൂരജ്  ക്രിസ്റ്റഫറിന്റെയും ഡാലിയ സൂരജിന്റെയും  രണ്ടു  മക്കളിൽ  മൂത്തതാണ്  ഈവ..    ഈവയുടെ അനുജത്തി ആയിന   സൂരജ്   ക്രിസ്റ്റഫറും  ബാലതാരമാണ്.  .  ബാ ച്ചിലർ പാർട്ടി, മാറ്റിനി, സ്റ്റൈൽ, പുലിമുരുകൻ, പഞ്ചവർണതത്ത  എന്നീ ചിത്രങ്ങളിൽ  ആയിന   അഭി നയിച്ചിട്ടുണ്ട് . ഏഴാം  ക്ലാസ്സിലാണ്  ആയിന  പഠിക്കുന്നത്. 

  കുറച്ചുകാലം അഭിനയത്തിന് ചെറിയ ഒരു  ഇടവേള കൊടുത്ത്  ഈവ  പഠനത്തിൽ ശ്രദ്ധ കേന്ദ്രീകരിച്ചിരുന്നു. വീണ്ടും സിനിമയിൽ സജീവമാവുകയാണ് ഈവ. 

 പഠനത്തോടൊപ്പം സിനിമയിൽ  നല്ല കഥാപാത്രങ്ങളെ അവതരിപ്പിക്കണമെന്നാണ്  ഈവയുടെ വലിയ ആഗ്രഹം.  പ്രശസ്ത താരങ്ങളോടൊപ്പം അഭിനയിച്ചിട്ടുള്ള ഈ വയ്ക്ക്  ഏതുതരം കഥാപാത്രങ്ങളും മനോഹരമാക്കാൻ കഴിയുമെന്ന ആത്മവിശ്വാസമുണ്ട്.

               -റഹിം  പനവൂർ.

റെഡ് റിബ്ബൻ മീഡിയ വേൾഡിന്റെ വാർത്തകളും ലേഖനങ്ങളും നേരിട്ട് ലഭിക്കാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുക.