ആശിർവാദ് സിനിമാസിന്റെ ബാനറിൽ ജിത്തു ജോസഫ് സംവിധാനം ചെയ്തു ആന്റണി പെരുമ്പാവൂർ നിർമിക്കുന്ന ദൃശ്യം 2 വിന്റെ ട്രെയ്ലർ പുറത്തിറങ്ങി. ഫെബ്രുവരി എട്ടിന് ട്രെയ്ലർ പുറത്തുവിടുമെന്നാണ് പറഞ്ഞിരുന്നതെങ്കിലും സോഷ്യൽ മീഡിയയിൽ ട്രെയ്ലർ ലീക്കായിരുന്നു. തുടർന്ന്, ആമസോൺ പ്രൈം വീഡിയോ ട്രെയ്ലർ പുറത്തുവിടടുകയായിരുന്നു.
ഫെബ്രുവരി 19ന് ചിത്രം, ലോകത്തെ 240 രാജ്യങ്ങളിലെ ഉപഭോക്താക്കളിലേക്ക് ഓടിടി പ്ലാറ്റഫോം വഴി നേരിട്ടെത്തും. മീന, സിദ്ദിഖ്, ആശ ശരത്, മുരളി ഗോപി, അൻസിബ ഹസ്സൻ, എസ്തർ അനിൽ, സായികുമാർ, കെ.ബി ഗണേഷ് കുമാർ, ജോയ് മാത്യു, അനീഷ് ജി നായർ, അഞ്ജലി നായർ എന്നിവരാണ് ചിത്രത്തിലെ മറ്റു താരങ്ങൾ.
ദൃശ്യം 2 വിന്റെ ആദ്യ പോസ്റ്റർ നേരത്തെ ആമസോൺ പ്രൈം വീഡിയോ പുറത്ത് വിട്ടിരുന്നു. ചിത്രത്തിലെ നായകനായ ജോർജ് കുട്ടി എന്ന കഥാപാത്രത്തെ അവതരിപ്പിക്കുന്ന മോഹൻലാൽ ആശങ്കകുലനായിരിക്കുന്ന പോസ്റ്റർ എല്ലാവരും ഏറ്റെടുത്തിട്ടുണ്ട്.
https://www.facebook.com/1149682295073614/posts/5060773623964442/
0 അഭിപ്രായങ്ങള്‍