നിത്യഹരിത നായകനായിരുന്ന പ്രേംനസീറിന്റെ 94-ാം ജന്മദിനത്തോടനുബന്ധിച്ചുള്ള പ്രേനസീർ ചലച്ചിത്രശ്രേഷ്ഠ പുരസ്ക്കാരം ചലച്ചിത്ര സംവിധായകൻ ടി എസ് സുരേഷ് ബാബുവിന് സമർപ്പിക്കും. ബാലു കിരിയത്ത് ജൂറി ചെയർമാനും വഞ്ചിയൂർ പ്രവീൺ കുമാർ , പനച്ചമൂട് ഷാജഹാൻ എന്നിവർ മെമ്പർമാരുമായ കമ്മിറ്റിയാണ് പുരസ്ക്കാരം തീരുമാനിച്ചത്. 10001 രൂപയും ഫലകവും പ്രശസ്തി പത്രവുമാണ് നൽകുക. പ്രേംനസീറിന്റെ ജന്മദിനമായ ഏപ്രിൽ 7-ന് വൈകുന്നേരം 6 മണിക്ക് തൈക്കാട് ഭാരത് ഭവനിൽ നടക്കുന്ന ചടങ്ങിൽ സൂര്യ കൃഷ്ണമൂർത്തി പുരസ്കാരം സമർപ്പിക്കുമെന്ന് സെകട്ടറി തെക്കൻ സ്റ്റാർ ബാദുഷ അറിയിച്ചു. 94 മൺചിരാതുകൾ പ്രമുഖർ അന്നേദിവസം കത്തിക്കും. നസീറിന്റെ ഗാനങ്ങൾ സ്ക്രീനിൽ പ്രദർശിപ്പിച്ച് അതിനൊപ്പം ഗാനങ്ങൾ ആലപിക്കുന്ന ആലപ്പുഴ സംസ്കൃതിയുടെ ഒ ജി സുരേഷ് നയിക്കുന്ന ഹൃദയഗീതങ്ങളും ഉണ്ടാകും.
0 അഭിപ്രായങ്ങള്‍